“İrşad”ın gənc rəhbərinin ölümü ilə bağlı – Şok təfərrüat
Sentyabrın 14-də vəfat edən İrşad Electronics MMC-nin rəhbəri İrad Ağahüseyn oğlu Hacıyevin intihar etdiyi məlum olub.
Gundeminfo.az xəbər verir ki, bu barədə Bakı.vs-ə mərhumun yaxınları məlumat verib. Bildirilib ki, İrad Hacıyev özünə qəsd etmək üçün çoxlu sayda dərman içib. Onun meyitini vannada aşkar ediblər. Vannanın kənarında isə intihar etmək üçün içdiyi dərmanların qutuları aşkarlanıb. Bakı Prokurorluğundan İ.Hacıyevin intihar etdiyi təsdiqlənib.
“İrad Ağahüseyn oğlu Hacıyevin ölümü ilə əlaqədar sentyabrın 14-də Cinayət Məcəlləsinin 125-ci (öldürmə həddinə çatdırma) maddəsi ilə cinayət işi başlanıb. İstintaq gedir”, - prokurorluğun məlumatında bildirilib.
Qeyd edək ki, bundan öncə 40 yaşlı iş adamının qəfil dünyasını dəyişməsinə ürək çatışmazlığının səbəb olduğu bildirilmişdi. Xatırladaq ki, İ.Hacıyev ailəli idi və 2 övladı var. O, tanınmış hüquq müdafiəçisi Mirvari Qəhrəmanlının qayınının oğludur.
