ABŞ BMT-ni tərk edir? - Qanun layihəsi hazırlanıb
İsrail ilə ABŞ yanvarın 1-dən YUNESKO-nu rəsmən tərk eləyiblər
ABŞ-ın Alabama ştatından olan konqressmen Mayk Rocers Birləşmiş Ştatların BMT-nin sıralarını tərk etməli olduğunu bildirib. O, bu məsələ ilə bağlı qanun layihəsini Konqresin Xarici İşlər üzrə Komitəsinə təqdim edib. Rocers artıq ikinci dəfədir ki, eyni təşəbbüslə çıxış edir. İlk dəfə, 2017-ci ildə onun təklifi rədd edilmişdi, lakin siyasətçi ikinci dəfə eyni mövzuda müraciət edib.
“BMT bir fəlakətdir”
ABD Kongresinin 116-cı iclasında təqdim edilən və ardından mətbuatda dərc edilən sənəddə Rocersin bu ifadələri əks olunub: “Yeni çağırış Konqresində mənim əsas hədəflərimdən biri bu qanun layihəsinin nəzərdən keçirilməsidir. Birləşmiş Millətlər Təşkilatı – ABŞ üçün fəlakətdir. Bizim ölkəmiz bu təşkilatın illik büdcəsinin 20 faizindən çoxunu təmin edir”. Rocersin fikrincə, BMT-ni tərk eləmək zərurətini doğuran digər səbəblər beynəlxalq təşkilatın “ABŞ-ın ən böyük müttəfiqi olan İsraili” tənqid eləməsi, həmçinin “ikinci düzəliş kimi Amerika ideallarına edilən hücumlardır” (bu düzəlişə görə, vətəndaşların silah saxlamaq və daşımaq hüququ vardır).
Komqressmen deyib: “Prezident Tramp BMT-nin Amerikanın suverenliyinə olan hücumlarından müdafiə üçün öz töfhəsini verib, indi isə bizim daha artığını etməyimizin vaxtı çatıb”.
ABŞ tərk etməyəcək, şantaj edəcək
ABŞ prezidenti Donald Tramp da BMT-nin fəaliyyətini dəfələrlə tənqid edib və ABŞ-ın büdcədəki payında məhdudlaşdırmalar aparıb. Siyasi analitiklər Vaşiqntonun BMT üzvlüyündən çıxmayacağını, lakin tərk eləmək iddialarından Təhlükəsizlik Şurasına təzyiq vasitəsi kimi istifadə edərək, şantaj edəcəyini güman edirlər.
Tramp BMT-nin “bürokratiya və pis idarəçiliyini” tənqid eləmişdi.
Ekspertlərin fikrincə, ABŞ-ın BMT-ni tərk eləmək ehtimalı çox aşağıdır. Lakin ABŞ şantaj məqsədilə bu ehtimalı irəli sürməyə davam edəcək.
Ötən həftə Fələstin məsələsi ilə bağlı təşkilatın İsrailə qarşı sərt davrandığını irəli sürərək, BMT-nin Elm və Mədəniyyət Təşkilatından (YUNESKO) çıxmaq üçün rəsmi müraciət edən İsrail ilə ABŞ-ın müraciətləri qəbul olunub.
Yeni ildən etibarən bu iki ölkə daha YUNESKO-nun üzvü deyil. (Hurriyyet.org
