GÜNDƏM

Rusların döydüyü azərbaycanlı yeniyetmə danışdı

Moskva vilayətinin Zelenoqrad şəhərində rus millətçisi tərəfindən vəhşicəsinə döyülən 14 yaşlı azərbaycanlı Rövşən Kazımovun vəziyyəti qənaətbəxşdir. Rövşən Kazımovun anası Aygün Kazımova APA-nın Moskva müxbirinə bildirib ki, hazırda Rövşən həkim nəzarətindədir.

A.Kazımova noyabrın 1-də baş verən hadisənin təfərrüatlarını da danışıb: “Oğlum dərsdən evə gələn zaman 12 nömrəli avtobusda bir nəfər rus gənc Rövşənə yaxınlaşaraq onu təhqir etməyə başlayıb. Gənc oğlan Rövşənə irqçi sözlər deyərək, onu “qara” millətin nümayəndəsi adlandırıb. Əvvəl Rövşən ona heç nə deməyib. Lakin sonra oğlum ona cavab qaytardıqda, o, Rövşəni döyməyə başlayıb. Oğlumun başına və bədən nahiyələrinə təpik və yumruqla güclü zərbələr endirib. Bu zaman avtobusda olan sərnişinlər laqeyd münasibət göstəriblər. Bircə Tatyana Aqofonova adlı sərnişin Rövşəni oğlanın əlindən almağa çalışıb. Oğlumu əvvəl Zelenoqradda olan xəstəxanaya aparıblar. Daha sonra Moskvada yerləşən Morozovski adına xəstəxanaya gətiriblər. Ona kəllə-beyin və göz travması diaqnozları qoyulub”.

A.Kazımova oğlunun artıq polis tərəfindən dindirildiyini də bildirib: “Dünən səhər polis oğlumdan ifadə alıb. Rövşən hadisənin təfərrüatlarını onlara danışıb. Hadisə baş verəndən sonra mən polislə danışdım. Onlar oğlumu döyəni saxladıqlarını bildirdilər. Lakin onu hələlik həbs edə bilməyəcəklərini, qanunun buna yol vermədiyini bildirdilər. Bizə dedilər ki, onun barəsində mütləq tədbir görüləcək. Bizdə olan məlumata görə, oğlumu vəhşicəsinə döyən gənc hələ də azadlıqda gəzir”.

A.Kazımova oğlunun başına ikinci dəfədir ki, belə iş gəldiyini bildirib. Belə ki, 2006-cı ildə oğlu Rövşən Kazımov işıqforun yaşıl işığında yolu piyada keçmək istəyərkən bir avtomobil onu vurub. Aldığı xəsarətlər nəticəsində R.Kazımov görmə qabiliyyətini qismən itirib və əlil olub. Rövşəni əlil vəziyyətinə salan sürücü cinayət məsuliyyətinə cəlb olunmayıb. A.Kazımova həmin vaxt polis tərəfindən hədələndiklərini və ona görə də şikayətçi olmadıqlarını söyləyib: “Mən dedilər ki, əgər şikayətçi olsan, səni Azərbaycana deportasiya edəcəyik, oğlunu da əlindən alıb internata verəcəyik. Mən də məcbur olub şikayətçi olmadım. Gəncədəki bir otaqlı evimi satdım, oğlumu müalicə etdirdim. İndi də bu hadisə gəldi başımıza”.

A.Kazımova Azərbaycanın Rusiyadakı səfirliyinin əməkdaşlarının oğlu ilə görüşdüklərini, məlum hadisə ilə yaxından maraqlandıqlarını da bildirib. Hadisənin şahidlərindən biri Tatyana Aqofonova APA-ya açıqlamasında hadisənin təfərrüatları barədə danışıb: “Axşam saatlarında işdən evə qayıdarkən gözdən əlillər üçün məktəbin yanında 12 nömrəli avtobusa bir yeniyetmə mindi. Kənardan onun əlil olduğu hiss olunurdu. Lakin çox səliqəli və tərbiyəli görkəmi var idi. Avtobus bir neçə dayanacağı keçəndən sonra arxa tərəfdən söyüş səsləri eşitdim. Bir kişi səsi idi. Çox kobud şəkildə kimisə təhqiredici ifadələrlə aşağılayırdı. Avtobusun mərkəzi çıxış qapısının yanında olan bir qadın həmin söyüş söyən oğlana yaxınlaşaraq ondan özünü niyə belə aparmasını və kimə göstərdiyini soruşdu. Oğlan isə cavabında həmin qadına “bu ki, “qara”dır, sənə nə dəxli var?” bildirib. Mən də həmin oğlana yaxınlaşıb, ona etirazımı bildirdim. Oğlan bizə fikir verməyib, yeniyetmənin üstünə düşərək onu təpikləməyə başladı. Bu zaman sürücüdən avtobusu saxlamağı xahiş etdim. Xoşbəxtlikdən sürücü avtobusu düz polis patrul xidmətinin olduğu yerdə saxladı. Mən hadisə yerində gözləyirdim. Bu zaman yeniyetməni döyən şəxsin polislərlə anlaşmaq istədiyinin şahidi oldum. O, mənə yaxınlaşaraq bildirdi ki, “Məni tanımırsan, görməmisən. Münaqişəyə yeniyetmə özü başladı. Mənim günahım yoxdur”. Lakin mən ona bunu etməyəcəyimi bildirdim. İndi mən bunun kimi rusiyalı olduğuna görə utanc hissi keçirirəm. Onu da demək istəyirəm ki, yeniyetməni döyən gənc alkoqollu deyildi, ayıq vəziyyətdə idi”.

 

“Mən avtobusa oturdum. O, məni söyüşlə çağırdı. Mənə dedi ki, sən “qara”san. Get pomidorunu sat, “qara”. Mən ona “qara” olmadığımı, günəşdə zaqar aldığımı söylədim. Bundan sonra o, üstümə gələrək mənə şillə vurdu və əli ilə üzümü sıxdı. Onu itələdim. Bu zaman o, üstümə düşdü. Mən onun belindən tutdum, o isə məni vururdu. Sürücü bizə yaxınlaşdı. Onu buraxmağımı söylədi. Mən onu buraxdım. Bu zaman o, yumruqla mənim gözümə vurdu”. Bu açıqlamanı isə Morozovski adına xəstəxananı göz cərrahiyyəsi şöbəsində yatan Rövşən Kazımov verib. O, hazırda özünü normal hiss etdiyini söyləyib.

Qeyd edək ki, Azərbaycanın Rusiyadakı səfirliyi hadisə ilə bağlı məlumat yayıb. Məlumatda bildirilib ki, səfirlik məlum hadisəni nəzarətdə saxlayır.

672 dəfə oxundu
 

Nazir universitet etirazlarından danışdı

Azərbaycanın təhsil naziri Mikayıl Cabbarov son zamanlar bəzi ali məktəb tələbələrinin imtahanların keçirilmə formalarının dəyişdirilməsinə etdikləri etiraza münasibət bildirib. Trend-in məlumatına görə, təhsil naziri Mikayıl Cabbarov jurnalistlərə bildirib ki, imtahan hansı formada keçirilməsindən asılı olmayaraq, şəffaf və obyektiv keçirilməlidir: "Imtahanın obyektiv və ya qeyri-obyektiv keçirilməsi heç bir şəkildə imtahanın formasından asılı olmamaldıır. Məsələnin bu şəkildə qoyilması- əgər imtahan forması şifahi şəkildədirsə, obyektiv, digər şəkildə qeyri-obyektivdir- bu, ən azı, sadölövlük, ya da bilərəkdən məlumatın qeyri-düzgün şəkildə təqdim olunmasıdır".

M.Cabbarov bildirib ki, istənilən tələbə və ya tələbə qrupunun imtahanların keçirilməsi, imtahan zamanı baş verən qayda pozuntuları ilə bağlı müraciəti olduqda Təhsil Nazirliyi bununla bağlı müvafiq qərar və cəza verməyə hazırdır: "Ümumilikdə ali təhsil sistemində biliyin qiymətləndirilməsi ilə bağlı aparılan siyasət çox sadədir. Ali təhsil sistemində ümumiyyətlə, təhsil sistemində qanunun aliliyi təmin olunmalıdır. Təhsil Nazirliyi tərəfindən mövqeyimiz birmənalıdır. Bu məsələ həm təhsil verənlərə, həm də təhsilalnlara aiddir. Ona görə qanun çərçivəsində nizam-intizama riayət edilməlidir. Əgər qanun pozuntuları olarsa, bütün tədbirlərin görülməsi, cəzaların tətbiqi təmin olunacaq".

Təhsil sistemində qiymətləndirməni çox mühüm amil sayan nazir qeyd edib ki, ali təhsildə verilən bilik səviyyəsi heç də obyektiv və şəffaf keçriilən imtahanda tam şəkildə təsdiqlənə blmir. Bu da universitetləri məcbur edirki, həm təhsil sistemlərinə, həm də qiymətləndirmə formalarına yenidən baxsınlar, təkmilləşdirmə yolları axtarsınlar. Bunu normal hal sayan M.Cabbarov heesab edir ki, ali təhsil ocaqlaırnın bu məsələlər barədə düşünməsi , islahatların, təkmilləşmənin yeni formaların tətbiq etməsi məntiqli və düzgün bir istiqamətdir.

Qeyd edək ki, Azərbaycan Dövlət Pedaqoji Universitetin, daha sonra isə Azərbaycan Universitetinin tələbələri imtahanların etstlə deyil, yazılı formada keçirilmısinə etiraz ediblər.

455 dəfə oxundu
 

Bakıda Aşıqlar üçün bina tikiləcək

Bakıda Aşıqlar Evi tikiləcək. GUNDEMİNFO.AZ yazır ki, bu barədə AzərTAc-a Azərbaycan Aşıqlar Birliyinin sədri, Xalq Şairi Zəlimxan Yaqub məlumat vermib. O, həmçinin bildirib ki, 2014-cü ildə Mədəniyyət və Turizm Nazirliyinin dəstəyi ilə qurumun VI qurultayı keçiriləcək.

406 dəfə oxundu
 

Sərdar Cəlaloğlu: “Cəmil Həsənlini qətiyyən həbs edə bilməzlər”

 

 

 

Sərdar Cəlaloğlu: “Cəmil Həsənlini qətiyyən həbs edə bilməzlər”

YAP Milli Şuranın prezidentliyə namizədi olmuş professor Cəmil Həsənlini məhkəməyə verməklə hədələyir. Hakim partiyanın icra katibinin müavini, deputat Siyavuş Novruzov bildirib ki, prezident seçkiləri zamanı dövlət başçısının ünvanına səslənən təhqiramiz ifadələrə yaxın zamanlarda hüquqi qiymət veriləcək.

O iddia edib ki, seçki prosesi zamanı prezident İlham Əliyevin ünvanına geniş auditoriyada müxalifətdə olan bəzi partiyaların, o cümlədən Demokratik Qüvvələrin Milli Şurasının namizədi Cəmil Həsənli tərəfindən böhtan və təhqiramiz sözlər səslənib. S.Novruzov onu da qeyd edib ki, bu məsələyə hüquqi qiymətin verilməsi ilə bağlı proses gedir və zəruri bilindiyi vaxt ictimaiyyətə məlumat veriləcək.

İTV-dəki debatların iştirakçısı olmuş prezidentliyə keçmiş namizəd, ADP sədri Sərdar Cəlaloğlu Cəmil Həsənlini məhkəməyə vermək üçün heç bir hüquqi əsasın olmadığını bildirir. Bu barədə “Yeni Müsavat”a açıqlamasında S.Cəlaloğlu dedi ki, hakimiyyət təmsilçiləri prezidentə böhtan atıldığını iddia edirsə, Cəmil Həsənli dünyanın müxtəlif media orqanlarında, ölkəmizin mediasında yayılan materialları əsas götürüb məlum məsələləri qaldırmışdı. Belə vəziyyətdə isə Cəmil Həsənli məsuliyyət daşımır. Əgər YAP o ittihamları böhtan, təhqir hesab edirsə, Cəmil Həsənlini yox, Cəmil Həsənlinin sitat gətirdiyi dünya mətbuatını məhkəməyə verməlidir: “Mən düşünmürəm ki, Cəmil Həsənlini namizəd olduğu zaman etdiyi həmin çıxışlara görə məhkəməyə versinlər. Çünki bu addım tamamilə hüquqi əsassız və məntiqsiz olardı. Cəmil Həsənlini qətiyyən həbs edə bilməzlər. Həbs üçün gərək əsas olsun, irəli sürdüyün iddianın sübutu olsun. Belə bir əsas, sübut yoxdur. Mediada dərc olunmuş və ya hansısa hesabatlarda yer almış və tirajlanmış informasiyaları prezidentliyə namizəd çıxışında səsləndiribsə, məsuliyyət daşımır. Çünki həmin informasiyalarla, hesabatlarla bağlı Azərbaycan hakimiyyəti ilkin mənbəni məhkəməyə verməyib. Əgər məhkəməyə verilməlidirsə, ilkin mənbə verilməlidir”.

S.Cəlaloğlu hesab edir ki, Cəmil Həsənlinin məhkəməyə verilməsi hakimiyyətin özünə ziyan gətirə bilər. Həmin məhkəmənin özü hakimiyyətin zərərinə işləyən prosesə çevrilər.

Siyasi təhlilçilər isə hesab edir ki, hakimiyyət məhkəmə ilə hədələmək yolu ilə Cəmil Həsənlini və onu dəstəkləyən insanları qorxutmaq, onları təzyiq altında saxlamaq istəyir. Əslində məhkəməyə müraciət edilməyəcək. Çünki belə bir məhkəmənin heç bir hüquqi perspektivi yoxdur və hər hansı hüquqi nəticə verməyəcək. Seçki prosesində səslənən fikirlərə görə məhkəmə davası açılmasının heç bir hüquqi əsası yoxdur.
13755 dəfə oxundu

axırıncı dəyişikliklər (04.11.13 14:46)

 

Səfər Əbiyevin oğlunun toyunda kimlər həbs olundu?

Xəbər verildiyi kimi, 3 noyabrda eks nazir Səfər Əbiyevin kiçik oğlu Ramin Əbiyevin toy mərasimi keçirilib. Mərasim mediaya qapalı olub və jurnalistlər oraya buraxılmayıblar. Lakin axar.az saytının reportyorları toy mərasimi keçirilən “Buta Palace” şadlıq sarayına gediblər və toyun gedişatını işıqlandırmağa cəhd göstəriblər. Sayt reportyorların qələmə aldığı yazını və kənardan çəkdiyi fotoları paylaşıb.

Həmin reportajı təqdim edirik. 

**** 
Noyabrın 3-də keçmiş Müdafiə naziri Səfər Əbiyevin oğlunun “Buta Palace” şadlıq sarayında toyu oldu. Mərasimi izləmək və reportaj hazırlamaq üçün hava limanı yolunun üstündə yerləşən sözügedən şadlıq sarayına yollandıq.

Keçilməz mühafizə, kortejsiz qonaqlar

“Buta Palace”nin ətrafı sözün bütün mənalarında hərbi hissə kimi əhatələnmişdi nəinki jurnalist, hətta xüsusi təlim görmüş kəşfiyyatçı da mühafizəni yarıb keçə bilməzdi.

Müşahidəyə başladıq. Toya kortejlə gələn, gözlənildiyi kimi, çox az adam oldu – təxminən, 2-3 “kortejli qonaq” - yüksək vəzifəli məmur şadlıq sarayının həyətinə girdi. Sürət o qədər böyük idi ki, hətta ən peşəkar fotokamera ilə də obyekti doğru-düzgün tuta bilmədik. 

Nə olur-olsun, içəri keçməyə bir daha cəhd etməliydik. Qapıya yaxınlaşmağımızla mühafizəçilərin başımızın üstünü almağı bir oldu: “Bura ölkənin generalları yığışıb, kənara çəkilin!”


Toydan “bölməyə”

Növbəti cəhdimizdə mühafizəçilər əl çəkmədiyimizi görüb, dərhal polis çağırdılar. Və...

Və bir neçə dəqiqədən sonra artıq Suraxanı Rayon Polis İdarəsinin 3-cü polis bölməsindəydik. Nə bir təzyiq, nə bir kobudluq oldu. Yalnız bir qərar vardı: “Toy bitənə qədər bölmədə qonağımızsız!”

Xeyli söhbətdən, centlmen razılaşmasından sonra inandılar ki, polis bölməsindən “Buta Palace”yə qayıtmayacağıq. İnamlarının təsdiqi kimi gözlərinin qarşısında şəhərin mərkəzinə yola düşdük.

Bizə qalan yalnız “Buta Palace”nin qarşısında çəkdiyimiz bir neçə şəkil oldu...

10381 dəfə oxundu

axırıncı dəyişikliklər (04.11.13 18:47)

 
Başqa məqalələr...
XƏBƏR LENTİ

Köşə
İtirilən gənclik
Elman ABBASOV   ...
Azərbaycansayağı seks
Gunel MÖVLUD   ...
Onlar getdi, sən də get…
Sən də get… Azər BAĞIR   ...