Tanınmış məmurun xanımı Prezidentdən kömək istəyir
“Mən Bədəlova Zoya Nikolayevna 74 yaşındayam. Mənim mərhum həyat yoldaşım İlyas Bədəlov Ümumi Milli Liderimiz Heydər Əliyevə sadiq məmurlardan olduğu üçün o, uzun müddət Sənaye Tikinti Nazirinin müavini, sonra isə Ərazilərin Minalardan Təmizlənməsi üzrə Milli Agentliyin ilk rəhbəri olmuşdur. Bir müddət səbr edib Sizə müraciət etmədim. Amma bu gün məcbur olub Sizə müraciət edirəm və Sizin humanistliyinizə arxayınam ki, Nəsimi rayon İcra və Probasiya şöbəsinin rəisi və icra şöbəsinin Pərviz adlı icra məmurunun qanunsuz əməlləri barədə qanuna müvafiq qaydada tədbir görülməsi üçün aidiyyəti orqanlara göstəriş verəcək və mənim bu gün yaşadığım və üzləşdiyim bütün çətinliklər və qanunsuzluqlara son qoyulacaqdır”.
Onun sözlərinə görə, müvəqqəti təminat tədbirinin tətbiq edilməsi barədə ərizə ilə məhkəməyə müraciət edərək, Nərimanov Rayon Məhkəməsinin icraatında olan 2(005)-2652/2023 saylı mülki iş baxılıb yekun məhkəmə aktı çıxarılanadək mənim faktiki yaşadığım Bakı şəhəri, Nəsimi rayonu, Möhsün Sənani küçəsi, 1 nömrəli evin 20 nömrəli mənzildən məcburi çıxarılmağımın tələbkar əsənov Əkbər Bəxtiyar oğluna qadağan edilməsi, Həsənov Əkbər Bəxtiyar oğlu tərəfindən Bakı şəhəri, Nəsimi rayonu, Möhsün Sənani küçəsi, 1 nömrəli evin 20 nömrəli mənzilini hər hansı bir şəxsin adına özgəninkiləşdirilmənin Azərbaycan Respublikası İqtisadiyyat Nazirliyi yanında Əmlak Məsələləri Dövlət Xidmətinin Daşınmaz Əmlakın Dövlət Kadastrı və Reyestri Publik Hüquqi Şəxsin 1 saylı Bakı Ərazi İdarəsinə qadağan edilməsi barədə qərardad qəbul edilməsini məhkəmədən xahiş etmişdi: “Nərimanov Rayon Məhkəməsinin e-16(006)-238/2023 saylı, 22.08.2023-cü il tarixli qərardadı ilə Bədəlova Zoya Nikolayevnanın faktiki yaşadığı Bakı şəhəri, Nəsimi rayonu, Möhsün Sənani küçəsi, 1 nömrəli evin 20 nömrəli mənzildən məcburi çıxarılması və Bakı şəhəri, Nəsimi rayonu, Möhsün Sənani küçəsi, 1 nömrəli evin 20 nömrəli mənzilin özgəninkiləşdirilməsi Həsənov Əkbər Bəxtiyar oğlu və üçüncü şəxslərə qadağan edilməsi qərara alınmışdır.
Nərimanov Rayon Məhkəməsinin e-16(006)-238/2023 saylı, 22.08.2023-cü il tarixli qərardadından maraqlı şəxs Həsənov Əkbər Bəxtiyar oğlu şikayət verərək, ləğv edilməsini xahiş etmişdir. Nərimanov Rayon Məhkəməsinin 25.08.2023-cü il tarixli, 16(005)-238/2023 saylı qərardadı ilə Nərimanov Rayon Məhkəməsinin e-16(006)-238/2023 saylı, 22.08.2023- cü il tarixli qərardadın ləğv edilmiş, Nərimanov Rayon Məhkəməsinin e-16(006)-238/2023 saylı, 22.08.2023-cü il tarixli qərardadı ilə Bədəlova Zoya Nikolayevnanın faktiki yaşadığı Bakı şəhəri, Nəsimi rayonu, Möhsün Sənani küçəsi, 1 nömrəli evin 20 nömrəli mənzilindən məcburi çıxarılmasına və Bakı şəhəri, Nəsimi rayonu, Möhsün Sənani küçəsi, 1 nömrəli evin 20 nömrəli mənzilinin özgəninkiləşdirilməsinə dair Həsənov Əkbər Bəxtiyar oğlu və üçüncü şəxslərə qoyulmuş qadağa ləğv edilmişdir.
Nərimanov Rayon Məhkəməsinin 25.08.2023-cü il tarixli, 16(005)-238/2023 saylı qərardadından şikayət verərək, qərardadın ləğv edilməsini xahiş etmişdim. Verilmiş şikayət Nərimanov rayon Məhkəməsi tərəfindən təmin edilmədiyindən şikayət baxılması üçün Bakı Apellyasiya Məhkəməsinin Mülki Kollegiyasına göndərilmişdir.
İşin baxılması hal hazırda 16(103)-576/2023 saylı iş nömrəsi ilə Bakı Apellyasiya Məhkəməsinin hakimi Günay Axundovanın icraatındadır. Qeyd edim ki, həmin qərardadan şikayət verdiyim halda, AR-nın Mülki Prosessual Məcəlləsinin 163.4-cü maddəsinə əsasən icraat dayandırılmalı olduğu halda və Nərimanov rayon Məhkəməsinin 06.10.2023 tarixli məktubu ilə qərardadan şikayət verildiyini, icraatın dayandırılmasının vacibliyi göstərildiyi halda Nəsimi rayon İcra və Probasiya şöbəsinin Pərviz adlı icra məmuru özünün və icra şöbəsinin hansısa maraqları daxilində mən evdə olmadığım halda, evin giriş qapısını sındıraraq evə daxil olmuş və nəticədə mənə məxsus bahalı ev əşyalarımı, mebellərimi, bahalı qablarımı, mənə məxsus qızıl-zinət əşyalarımı, və 4500 ABŞ dolları məbləğində pulumu götürərək evi Həsənov Əkbər Bəxtiyar oğluna vermişdir.
Mən icra məmuru Pərvizin hərəkətlərinin qanunsuz hərəkət etdiyini ona dəfələrlə bildirsəmdə o mənə “bu işi Ədliyyə Nazirliyindən mənə tapşırıblar, nə qanun, qanun salmısan get hara şikayət edirsən et, bizdə belədir” deyib qanusuz hərəkətlərinə son qoymamışdır. Mən Pərvizə bir neçə dəfə qərardadan şikayət verildiyini və şikayətimin Bakı Apellyasiya Məhkəməsinin icraatında olduğunu desəmdə Pərviz mənə get Əkbərə zəng et o səni evə buraxsın şəxsi əşyalarını versin deyib qanusuz hərəkətlər etmişdir.
Hörmətli Cənab Prezident!
Mənim Nəsimi rayon İcra və Probasiya şöbəsinin rəisi və icra məmurunun qanusuz hərəkətlərindən etdiyim şikayətlər ərizəyə əlavə etdiyim məhkəmə qərarla və məhkəmələr tərəfindən verilmiş məktublara əsasən tam sübuta yetirilmişdir. Mən pozulmuş hüquqlarımın bərpa edilməsi və Nəsimi rayon İcra və Probasiya şöbəsinin rəisi və icra məmurunun cəzalandırılması üçün bütün üsul vasitələrdən istifadə edəcəyəm. Mən Azərbaycan Dövlətinə onun Ali Baş Komandanı olaraq Sizə sadiq bir ailə başçısı olduğum halda mənə qarşı edilən bütün qanunsuzluqlara son qoyulanadək mübarizəmi bitirməyəcəyəm.
Göstərilənlərə əsasən Sizdən
XAHİŞ EDİRƏM
1.Bakı şəhəri Nəsimi rayon İcra və Probasiya Şöbəsinin rəisi Yavər Allahverdiyev və Pərviz adlı icra məmurunun qanunsuz hərəkətləri səbəbindən onların cəzalandırılması və onların cəzalandırılması və tərəfimdən verilmiş şikayət baxılıb yekun məhkəmə aktı çıxarılanadək icra sənədinin icrasının dayandırılması,
2. Nəsimi rayon İcra və Probasiya şöbəsinin icra məmuru tərəfindən Bakı şəhəri, Nəsimi rayonu, Möhsün Sənani küçəsi, 1 nömrəli evin 20 nömrəli mənzilinə mənim köçürülməyimin təmin edilməsi və ərizəmin araşdırılmasını öz nəzarətinizə götürəsiniz.
