Bakıdakı Formula 1 yarışlarının biletlərini kimlər alır?
Bakıda keçiriləcək Formula 1 Azərbaycan Qran Prisi ilə bağlı biletlərin satışı normal, hətta ötən ilə nisbətən yaxşı gedir.
Milli.Az xəbər verir ki, bunu Bakı Şəhər Həlqsi Əməliyyat Komitəsinin (BŞHƏK) Marketinq və kommunikasiya şöbəsinin rəhbəri Nigar Arpadarai deyib.
Şöbə müdirinin sözlərinə görə, biletləri 40-dan ölkədən alınıb. Lakin satılmış biletlərin 40 faizi Rusiyadan alınıb: "İlk onluğa Rusiya, Böyük Britaniya, Ukrayna, Gürcüstan, Azərbaycan və ərəb ölkələri daxildir. Azərbaycandan onlayn şəkildə bilet alanların sayı artıb. Bu isə etibarın artdığını göstərir".
