Nadir: Bacım heç bilmir ki, “Tarqovı” haradır
“Heç yerdə işləmir, özüm maddi yardım göstərirəm”. Nadir Qafarzadənin ailəsi ilə bağlı şayiə yaydılar. GUNDEMİNFO.AZ gecce.az-a istinadla xəbər verir ki, sənətçinin bacısının süpürgəçilik etdiyi deyildi. “Bu sənətdəsənsə, mütləq sənin haqqında şayiə yayacaqlar. Mənim haqqımda çıxan xəbərlər oxunulur deyə bir-birindən yalan şayiələr ortaya atılır.
Bu yaxınlarda haqqımda “Nadirin bacısı pis vəziyyətdə yaşayır, “Tarqovı”da süpürgəçi işləyir” deyə saytda yazıblar. Mənim bacımın ailəsi var, kənddə yaşayır. Heç bilmir ki, “Tarqovı” haradır. Heç yerdə işləmir. Bacıma özüm maddi yardım göstərirəm. Süpürgəçi işləsə belə, bu, ayıb deyil”.
