“Rusiyada aşağıdan dəyişikliklər, mümkün deyil, “saray çevrilişləri” ola bilər”
Yeniavaz.com xəbər verir ki, bunu iqtisadçı ekspert Natiq Cəfərli social şəbəkə hesabında yazıb.
O bildirib ki, əgər əsas versiya, yəni, Putinin onu cəzalandırdığı doğrudursa, o zaman da elita üçün təhlükəli mesajdır ki, “dəli qoca” kimi istəsə aradan götürə bilər:
“Digər versiya, yəni, Putinsiz Şoyqu və komandası onu aradan götürübsə, bu lap bərbad mənzərədir. Deməli “dəli qoca” hər şeyi və hamını nəzarətdə saxlaya bilmir, yeni ciddi “güc mərkəzi” və ya “Kremlin güclü qülləsi” yaranıb.
Yəni, hər bir halda Priqojin hadisəsi elita üçün çox pis gəlişmədir, “sağqalma instinkti” işə düşə bilər, həmin instinkt isə 1-ci versiya doğrudursa Qərblə münasibətləri yaxşılaşdırmağa, 2-ci və 3-cü versiya doğrudursa “dəli qocadan” can qurtarmağa yönləndirəcək. Uzun sözün qısası, bu hadisə elitanı öz başına çarə qılmağa vadar edəcək ki, bu da Putin üçün heç də yaxşı gedişat deyil. Rusiya kimi ölkədə aşağıdan dəyişikliklər, demək olar ki, mümkün deyil, amma “saray çevrilişləri” ola bilər.
“Priqojin ölməyib, teatrdır”, versiyası da var, açığı, 21-ci əsrdə belə teatr ciddi nəticə verməz, həm də ki, “oyun yanan şama dəyməz”. Ona görə də, ən az ehtimal edilən versiya, məncə, budur”.
