Pandemiya ilə bağlı 4 aylıq komunal xərclər ödəniləcək!
"Gürcüstan hökuməti noyabr, dekabr, yanvar və fevral aylarında vətəndaşların komunal xərclərinin dövlət tərəfindən ödənilməsi qərarını verdi". "Təzadlar" Gürcüstanın 24News.ge xəbər portalına istinadla xəbər verir ki, bu barədə ölkənin baş naziri, Giorgi Qaxaria bu gün hökumətin iclasında bildirib.
Nazir deyib ki, bu qərar vətəndaşlara pandemiya zamanı dəyən zərərlə bağlıdır: "Pandemiya dövründə vətəndaşlarımızın ailələrində gəlirlərin aşağı düşməsi və ailə üzvlərinin işlərini itirməsinə görə, hökumət 4 qış ayı boyunca komunal ödənişlərin hökumət tərəfindən ödənilməsi qərarını qəbul etdi. Bu aylar noyabr, dekabr, yanvar və fevral aylarıdır. Qaydalar eynidir, 200 kilovatt işıq və 200 kub metr qaz istifadəsi zamanı dövlət vətəndaşların borclarını qarşılayacaq", - deyə baş nazir bildirib.
Nəticə çıxarmağa dəyər. Çünki bizdə də əhalinin əsas cari xərcləri kommulla gedir: işıq, qaz, su, istilik, telefon, internet və kanalizasiya! "Novostraoyka"larda isə aylıq lift, mühafizə və s.
