Simuzər Şahmarı evinə gətirdi, hamama saldı və... - Şirvanda ağlagəlməz olay - VİDEO
Şirvanda polis vətəndaşa qarşı dələduzluq edərək 4500 manat pulunu mənimsəyən dəstə üzvlərini saxlayıb. Hacıqabul rayon sakini Şahmar Əhmədov oktyabrın 16-da Şirvan Şəhər Polis Şöbəsinə ərizə ilə müraciət edərək, bir neçə gün əvvəl şəhər ərazisində ona məxsus 4500 manat pulun talanmasını bildirib.
Keçrilən istintaq əməliyyat tədbirlərilə hadisənin Şirvan şəhər sakinləri Elmir Əmirov, Orxan Əliyev, Elvin Quliyev, Səbuhi Qasımov və Sabirabad rayon sakini Simuzər Zeynalova tərəfindən törədildiyi müəyyən edilib.
Sabirabad rayon sakini Simuzər Zeynalova vətəndaş Şahmar Əhmədovun pulunu ələ keçirmək məqsədi ilə, onu kirayədə yaşadığı ünvana intim münasibət üçün dəvət edib və Şahmar Əhmədov hamam otağında olarkən Simuzər Zeynalova Şahmar Əhmədova məxsus 4500 manat pulu ələ keçirib.
Bundan sonra o, qurupun digər üzvlərinə məlumat verib.
Sonra Orxan Əliyev və Elvin Quliyev ev sahibi qismində mənzilə daxil olaraq, evdə qeyri-etik hərəkətlərin olmasını əsas gətirərək Simuzər Zeynalovanın evdən qaçmasına şərait yaradıblar.
Saxlanılan Simuzər Zeynalovanın törətdikləri cinayətlərini etiraf etməsi barədə video yayıb.
"Mənə dedilər ki, belə bir adam var, onunla görüşməlisən. Mən də dedim ki, mən heç kimlə görüşmürəm, ancaq "fırlayıram”. Bu məqsədlə Şahmar Əhmədovu evə apardım.
Sonra o hamama gedəndə, pulunu götürdüm. Sonra Emilə zəng vurdum ki, bu oğlanı evdən çıxartmaq lazımdır. Emil və Orxan gəldilər. Orxan Şahmara bir şillə vurdular. Sonra evdə "heys-beys” etdilər. Mən də evdən qaçdım”, - deyə Simuzər Zeynalova bildirib.
Saxlanılan dəstə üzvləri əməllərini etiraf edərək əldə olunan məbləğin dəstə üzvləri arasına bölündüyünü bildiriblər.
Faktla bağlı Şirvan ŞPŞ-nin İstintaq bölməsində araşdırma aparılır.
///baku.ws
