Ukraynada silahlı şəxs 20 sərnişini əsir götürüb
Ukraynanın qərbində yerləşən Lutsk şəhərində kimliyi bilinməyən silahlı şəxs azı 20 nəfər avtobus sərnişinini əsir götürüb.
"Gundeminfo" xəbər verir ki, bu barədə Ukrayna Milli Polisinin mətbuat xidməti məlumat yayıb. Təcavüzkarın üzərində silah və partlayıcı qurğunun olduğu bildirilir. Zərərçəkmiş şəxslər barədə hələ ki, məlumat daxil olmayıb.
Ukraynanın bir sıra KİV-inin xəbərinə görə, naməlum şəxs tələblərini "Tvitter" sosial şəbəkəsində paylaşıb. Polis onun səhifəsini izləyir, ancaq şəxs hələ ki, konkret şərtlər irəli sürməyib.
