Azərbaycanda 11 mindən çox şəxs aliment ödəməmək üçün gizlənib - Rəsmi
Yeniavaz.com açıqlanan rəsmi məlumatlara istinadən xəbər verir ki, dövlət orqanları aliment öhdəliklərini ödəməkdən yayınaraq gizlənən şəxslərin 6 min 778 nəfərinin və ya 60,8%-nin yerini müəyyən edə bilib.
4 min 362 nəfərin axtarışı isə ötən il ərzində davam etdirilib.
Məlumat üçün onu da bildirək ki, aliment öhdəliklərini ödəməkdən yayınaraq gizlənən şəxslərin sayı boşanan şəxslərin təxminən yarısına bərabərdir.
Belə ki, ötən il Azərbaycanda 21 384 nəfər boşanıb və aliment ödəməmək üçün gizlənən şəxslərin sayı isə 11 140 nəfər olub.
Son 5 ildə aliment ödəməmək üçün gizlənən şəxslərin sayı aşağıdakı kimi olub:
2020-ci ildə - 9 187 nəfər;
2021-ci ildə - 10 197 nəfər;
2022-ci ildə - 10 578 nəfər;
2023-cü ildə - 11 217 nəfər;
2024-cü ildə - 11 140 nəfər.
