Rayon rəhbəri Birinci Qarabağ Müharibəsi şəhidi Fəqan Həmidovun ailəsini ziyarət edib
Görüşdə rayon rəhbəri Birinci Qarabağ müharibəsində, 44 günlük Vətən müharibəsində və lokal xarakterli antiterror əməliyyatları zamanı tərtərli oğulların döyüşlərdə göstərdiyi sücaətlərdən söhbət açıb, hər birinin qısa, lakin mənalı ömür yolunun gənclərə örnək olduğunu, belə igid oğullar böyütdükləri üçün şəhid valideyinləri qarşısında baş əydiyini bildirib, qazanılan tarixi zəfərdən sonra işğaldan azad olunmuş torpaqlarda aparılan nəhəng quruculuq işlərindən söhbət açıb.
Rayon rəhbəri dövlətimizin başçısı cənab İlham Əliyev və Birinci vitse-prezident Mehriban xanım Əliyevanın hər zaman şəhid ailələrinə diqqət və qayğı ilə yanaşdığını, dövlət başçısının hər kəsə şəhid və qazi ailələrinin problemlərinə həssaslıqla yanaşmağı tapşırdığını bildirib.
Qeyd edək ki, şəhid Fəqan Həmidov 1971-ci il mart ayının 27-də Tərtər rayonunun Qarağacı inzibati ərazi vahidinin Qaradağlı kəndində anadan olub. Qapanlı kənd 8 illik məktəbində və 96 nömrəli Texniki Peşə Məktəbində təhsil almışdır. Texniki peşə təhsilini başa vurduqdan sonra öz kəndlərində kolxozda sıravi koxozçu işləyirdi. 1991-ci ilin iyun ayında keçmiş Sovet Ordusu sıralarına həqiqi hərbi xidmətə getmişdi. SSRİ dağıldıqdan sonra hərbi xidmətini yarımçıq qoyub doğma vətənə qayıdır və Milli Ordu sıralarında xidmətini davam etdirir. Milli Ordunun tərkibində Ağdərə bölgəsində erməni işğalçılarına qarşı aparılan döyüşlərdə iştirak etmişdir. 1992-ci il sentyabr ayının 19-da keçmiş Ağdərə rayonunun Çıldıran kəndi uğrunda gedən döyüşlərdə şəhid olub. Subay idi.
Şəhidin ailə üzvləri şəhid ailələrinə və qazilərə göstərilən diqqət va qayğıya görə Azərbaycan Respublikası Prezidenti cənab İlham Əliyevə və Birinci vitse-prezident Mehriban xanım Əliyevaya öz minnətdarlıqlarını bildiriblər.
