Yeni dövlət komitəsi yaradılır
Prezident İlham Əliyev Geodeziya və Kartoqrafiya üzrə Dövlət Agentliyinin yaradılması haqda sərəncam imzalayıb. Dövlət Agentliyi Ekologiya və Təbii Sərvətlər Nazirliyi yanında yaradılır. Ləğv edilmiş Dövlət Torpaq və Xəritəçəkmə Komitəsinin tabeliyində olmuş Dövlət Aerogeodeziya Müəssisəsi və Bakı Kartoqrafiya Fabriki Geodeziya və Kartoqrafiya üzrə Dövlət Agentliyinin tabeliyinə veriləcək.
Geodeziya və Kartoqrafiya üzrə Dövlət Agentliyinin işçilərinin say həddi 45 ştat vahidindən ibart olacaq. Nazirlər Kabinetinə tapşırılıb ki, agentliyin fəaliyyəti ilə əlaqədar məsələləri həll etsin. Dövlət başçısı Geodeziya və Kartoqrafiya üzrə Dövlət Agentliyinin əsasnaməsini də təsdiqləyib
