Putin: “Rusiya yalnız taxıl müqaviləsində iştirakını dayandırıb”
Bu barədə "Report" TASS-a istinadən xəbər verir.
Dövlət başçısının sözlərinə görə, Rusiyanın taxıl müqaviləsini dayandırmaq qərarı humanitar dəhliz üçün təhlükə yaradılması ilə bağlıdır.
"Hazırda hamı Rusiyanın nə etdiyini danışır, bunun nədən qaynaqlandığını xatırlamır. Bu, humanitar dəhliz üçün təhlükə yaratmaqdan qaynaqlanır", - Prezident deyib.
Putin qeyd edib ki, o, hələ Müdafiə Nazirliyinin taxıl müqaviləsində iştirakın dayandırılması ilə bağlı yekun bəyanatını görməyib. "Amma bu barədə məlumatım var. Müdafiə naziri mənə gün ərzində öz mövqeyini bildirmək fürsəti tapdı. Onunla razılaşdım. O, haqlı olaraq deyir: "bizim həm hərbi, həm də mülki gəmilərimiz üçün təhlükə yaradırlar. Və biz mülki gəmilərin təhlükəsizliyini təmin etməliyik”, - Prezident bildirib.
"Biz bu əməliyyatda iştirakımızı dayandırmaqdan danışmırıq. Xeyr, biz dayandırdığımız şeydən danışırıq", - Putin qeyd edib.
O, bu işin təşkilatçılarından birinin BMT-nin baş katibi olduğunu və beynəlxalq təşkilatın əməkdaşlarının bu işdə fəal iştirak etdiyini xatırladıb.
"Bunun üçün biz onlara, əlbəttə minnətdarıq. Amma qoy onlar Ukrayna ilə işləsinlər. Ukrayna təminat verməlidir ki, Rusiyanın mülki gəmiləri və gəmilərinin təchizatı üçün təhlükə olmayacaq", - Putin bildirib.
