Bitərəf deputatlardan kim seçkiyə gedir? - SORĞU
“Report”un məlumatına görə, Milli Məclisin VI çağırışının müstəqil deputatlarının bəziləri də artıq öz namizədliklərini irəli sürüblər.
Deputat Aqil Abbas bildirib ki, sabah sənədlərini 83 saylı Ağcabədi-Füzuli seçki dairəsinə təqdim edəcək.
Onun həmkarı Vahid Əhmədov da seçkiyə qatılacağını təsdiqləyib: “Namizədliyimi çoxdan irəli sürmüşəm. Sabah artıq 59 saylı Quba seçki dairəsindən sənədlərimi götürəcəyəm”.
Deputatlar Rasim Musabəyov 18 saylı Nərimanov - Nizami - Binəqədi seçki dairəsindən, Nigar Arpadarai isə 7 saylı Səbail seçki dairəsindən namizədliklərini irəli sürəcəklərini deyiblər.
Deputat Musa Qasımlı isə öz növbəsində 75 saylı Yardımlı – Masallı seçki dairəsinə sənədlərini təqdim edəcəyini söyləyib:
“Artıq bank hesabı açılıb, imzatoplama kampaniyasına başlanılıb”.
Həmkarlarından fərqli olaraq VI çağırış Milli Məclisin deputatı Ziyad Səmədzadə isə hələlik qərarsız olduğunu deyib: “Artıq namizədlərin sənəd topladığını bilirəm. Mən isə hələ dəqiq qərarımı verməmişəm”.
