Nazir rəisi işdən çıxardı - Yeni təyinat
Fövqəladə Hallar Nazirliyi (FHN) Dövlət Yanğından Mühafizə Xidməti Ağcabədi Rayon Dövlət Yanğından Mühafizə Hissəsinin rəisi vəzifəsindən azad edilib.
Qaynarinfo-nun məlumatına görə, daxili xidmət polkovniki Quliyev Elçin Qoşun oğlu vəzifəsindən işdən çıxarılıb. Onun yerinə Qənbərov Elnur Vidadi oğlu təyin edilib.
Bununla bağlı fövqəladə hallar naziri general-polkovnik Kəmaləddin Heydərov əmr imzalayıb.
Qeyd edək ki, polkovnik Elçin Quliyev 2019-cu ilin iyul ayının 30-dan Ağcabədi Rayon Dövlət Yanğından Mühafizə Hissəsinin rəisi vəzifəsində çalışırdı.
