Türkiyə havadan hücum etdi - 70 terrorçu öldürüldü
Türkiyə baş naziri Əhməd Davudoğlu baş verən terrorla bağlı açıqlamalar verib.
“Qafqazinfo” Türkiyə KİV-ə istinadən xəbər verir ki, baş nazir bildirib ki, terrorçuların PKK-nın bir qolu olan YPG və PYD ilə əlaqələri təsdiqlənib. Davudoğlu gecə boyu davam edən əməliyyatdan sonra 9 nəfərin saxlanıldığını deyib.
Baş Qərargah rəisi Ankara terrorundan 2 saat sonra Şimali İraqdakı PKK terror düşərgəsi olan Haftaninə hava hücumları təşkil edildiyini açıqlamışdı. Davudoğlu həmin düşərgədə terror liderlərinin də olduğu 60-70 nəfərlik qrupun artıq zərərsizləşdirildiyini bildirib.
