Koronavirusdan ölənlər – Çoxunda ürək ZƏDƏLƏNİR

Koronavirusdan ölənlər –
“COVID-19-da ürəklə bağlı ölümlər ön plandadır”. Modern.az xəbər verir ki, bunu Səhiyyə Nazirliyinin mütəxəssisi İlqar Tahiroğlu bildirib.

İ.Tahiroğlu deyib ki, infeksiya tənəffüs yollarının xəstəliyi kimi görülsə də, əsasən COVID-19-la bağlı ölümlərin üçdə biri ürəklə əlaqəli səbəblərə görə baş verir:

“Bu ölümlər ya ciddi ritm pozğunluğu, ya da ürəyin zədələnməsinin nəticəsidir”.

Həkim qeyd edib ki, COVID-19 virusu əsasən damarların tutulmasına səbəb olur:

“Buna görə də bu virus damar olan yerdə ciddi problemlər yarada bilər. Virusun yaratdığı ən mühüm problem onun damardaxili laxtalanmaya səbəb olmasıdır. Bu vəziyyət bir tərəfdən ağciyərlərdə tutulmaların əsasını təşkil edir, digər tərəfdən də infarkt keçirməyi asanlaşdıran faktor kimi görünür.



COVID-19 mövcud ürək xəstəliklərinin ağırlaşmasına səbəb olur. Bu, virus mənşəli xəstəlikdir və bütün orqanlara təsir etdiyi kimi ürəkdən də yan keçmir. Özəlliklə ürək çatışmazlığı, ürək xəstəlikləri olan insanlar COVID-19-u daha ağır keçirir. COVID-19 ürəkdə ən önəmlisi ürək əzələsinin iltihabına səbəb olur. Bu iltihaba bağlı olaraq bütün əzələ gücü zəifləyir və ürək çatışmazlığına gətirib çıxarır. Bir əsas zədələnmə də ürəkdə ciddi aritmiyalara səbəb olur ki, xəstədə mədəcik mənşəli döyüntü pozğunluğu yaranır və ürək dayanmasına qədər gətirib çıxarır”.



Twitter Facebook Myspace Stumbleupon Technorati blogger google
601 dəfə oxundu
 



XƏBƏR LENTİ
Loading...