Moskvada parad: Hansı ölkələrin rəhbərləri iştirak edəcək?
Yeniavaz.com Rusiya mətbuatına istinadən xəbər verir ki, parad yerli vaxtla səhər saat 10-da (Bakı vaxtı ilə 11-də) başlayacaq.
Ölkənin müdafiə naziri Sergey Şoyqunun məlumatına görə, Moskvada keçiriləcək yürüşdə 10 mindən çox insan və 125 texnika iştirak edəcək.
Prezidentin mətbuat katibi Dmitri Peskov bildirib ki, Rusiya bu il liderlərə xüsusi dəvətlər hazırlamayıb, çünki yubiley tarix deyil. Buna baxmayaraq, paradda iştirak etmək üçün Moskvaya artıq Qazaxıstan, Qırğızıstan, Belarus prezidentləri və Ermənistanın baş naziri gəliblər. Özbəkistan və Tacikistan prezidentlərinin səfəri də gözlənilir. Türkmənistan prezidenti Serdar Berdiməhəmmədovun gəlişi hələlik təsdiqlənməyib.
Qeyd edək ki, İlham Əliyev sonuncu dəfə 2015-ci ildə Qələbənin 70 illiyi ilə bağlı Moskvada keçirilən bayram tədbirlərində iştirak edib.
