İngiltərə millisinin baş məşqçisi istefa verdi
Futbol üzrə İngiltərə yığmasının baş məşqçisi Roy Xocson istefa verib. «Reuters» agentliyinin məlumatına görə, bu barədə R.Xocson AVRO-2016 çərçivəsində keçirilən İngiltərə-İslandiya oyunundan sonra deyib.
"Müqaviləmin müddəti iki ildən sonra bitir, lakin bügünkü məğlubiyyətdən sonra yalnız istefa verə bilərəm. Komandaya cavan mütəxəssis başçılıq etməlidir”, R.Xocson deyib. Qeyd edək ki, İngiltərə yığması 1/8 finalda İslandiyaya 1:2 hesabı ilə məğlub olaraq Avropa çempionatını tərk etmək məcburiyyətində qalıb.
