FİFA koronavirusla mübarizəyə 10 milyon ABŞ dolları ayırdı
FİFA koronavirus pandemiyası ilə mübarizəyə görə Ümumdünya Səhiyyə Təşkilatına (ÜST) maliyyə yardımı edəcək.
"Report"un məlumatına görə, bu barədə FİFA prezidenti Canni İnfantino qurumun rəsmi saytına açıqlamasında deyib.
Onun sözlərinə görə, ali futbol qurumu ÜST-ün hesabına 10 milyon ABŞ dolları köçürəcək.
Qeyd edək ki, dünyada koronavirus pandemiyasının qurbanlarının sayı 8 009-a çatıb. Dünyada ən çox ölüm hadisəsi Çin (3 237), İtaliya (2 503), İran (988) və İspaniyada (533) qeydə alınıb. İnfeksiya indiyədək 167 ölkə və regionda qeydə alınıb.
