Azərbaycanın Türkiyədəki səfirliyində hansı nöqsanlar aşkarlanıb?
Azərbaycanın Türkiyədəki səfirliyinin 2019-cu il üzrə fəaliyyətində nöqsanlar aşkarlanıb. Oxu.Az-ın məlumatına görə, bu barədə Hesablama Palatasının 2019-cu il üzrə hesabatında bildirilib.
Belə ki, Azərbaycanın Ankaradakı səfirliyi büdcə üzrə dörd, əsaslı vəsait qoyuluşu üzrə iki nöqsana yol verib. Səfirlik mühasibat uçotu və hesabatlılıq qaydalarını da pozub. Bununla bağlı səfirlikdə iki hal aşkar edilib.
Qeyd edək ki, Milli Məclisin yaz sessiyasının mayın 1-də keçirilən iclasında qurumun hesabatı qəbul olunub.
