Elan saytlarında alver: “korona-maska”lar varmış - Foto
Axar.az xəbər verir ki, əsas elanlar “tap.az” elan saytında yerləşdirilib.
Apteklərdə dünənə qədər 10 qəpiyə aldığımız adi tibbi maskalar saytda 60-75 qəpiyədir.
Kömürlü “Venitex FFP 2” maskalar isə 3 manatdır. Elan saytında FFP 2 təmizləmə xüsusiyyətinə malik tibbi maskalar 2 manat 70 qəpiyə təklif edilir.
Almaniya istehsalı olan qoruyucu maskalar 2 manatadır.
Ən yüksək qiymətə təklif edilən tibbi maskalar isə sırf adından da göründüyü kimi, reklam mahiyyəti daşıya “koronovirus əleyhinə” olduğu iddia edilənlərdir. İşbazların zəif yerdən yapışaraq reklam etdikləri bu maskaların 15 gün müddətinə istifadəsinin mümkünlüyü bildirilir. Bu maskanın qiyməti isə 4,5 manatadır.
Qeyd edək ki, heç bir maska bir neçə saatdan artıq istifadə edilə bilməz və bu elanlardakı iddialar reklamdan başqa bir şey deyil.
