"Qarabağın bərpasında Türkiyə şirkətlərinə üstünlük veriləcək" - RƏSMİ

"Qarabağın bərpasında Türkiyə şirkətlərinə üstünlük veriləcək" -
“İşğaldan azad edilmiş Qarabağın yenidən qurulması üçün müxtəlif ölkələrin bərpa təcrübəsini araşdırdıq. Bizim üçün ən uyğun təcrübənin Türkiyə modeli olacağını düşünürük. Bu qənaətə qonşu ölkənin son 20 ildə tikinti sektorunda əldə etdiyi nailiyyətləri nəzərə alaraq gəldik".

"Report” xəbər verir ki, bunu Nazirlər Kabinetinin Tikinti, şəhərsalma və kommunal təsərrüfat şöbəsinin müdiri Feyruz Mustafayev "Anadolu" agentliyinə bildirib.

Şöbə müdirinin sözlərinə görə, bu məsələ ilə bağlı Türkiyənin Ətraf Mühit və Şəhərsalma Nazirliyi ilə görüş keçirilib.

“Türkiyədə tikinti ilə bağlı tenderlərdə sifarişçi qurumlar minimum qiymət müəyyən edir. Biz də eyni sistemi tətbiq edəcəyik. İndiyə qədər Azərbaycanda bu məsələ ilə bağlı xarici şirkətlər cətinliklər yaşayırdı, proses uzanırdı, bürokratik əngəllər olurdu, bundan sonra isə asan olacaq. Türk və yaxud digər xarici şirkətlər Türkiyədə tenderə qatıldığı kimi, burda da tender şərtlərini hazırlaya biləcəklər", - deyə o, qeyd edib.

F.Mustafayev onu da deyib ki, Qarabağın bərpasında Türkiyə şirkətlərinə üstünlük veriləcək: "Türk iş adamları azərbaycanlı həmkarları ilə birlikdə Qarabağı yenidən quracaqlar. Hazırda Füzulidən Şuşaya yeni yolun inşasında iki ölkənin şirkətləri birlikdə çalışırlar. Bu, ilk addımdır. Ümumiyyətlə isə indiyə qədər Türkiyə şirkətləri Azərbaycanda 16 milyard ABŞ dollarına yaxın dəyəri olan tenderlər udub. Bundan sonra da təkcə Qarabağ deyil, bütün ölkə miqyasında həyata keçirilən layihələrdə türk iş adamları cəlbedici təkliflər verə biləcəklər. Bu da Azərbaycanda rəqabət mühitini gücləndirəcək, görülən işlərini keyfiyyətini artıracaq".



Twitter Facebook Myspace Stumbleupon Technorati blogger google
453 dəfə oxundu
 



XƏBƏR LENTİ
Loading...