OPEC Azərbaycana dair proqnozunu azaldıb

Neft İxrac Edən Ölkələr Birliyi (OPEC) bu ilin IV rübündə Azərbaycanda gündəlik neft hasilatının həcminə dair proqnozunu 20 min barel azaldaraq 790 min barelə endirib.

“Report” bu barədə OPEC-in bu ay açıqladığı hesabata istinadən xəbər verir.

Sənəddə deyilir ki, iyulda Azərbaycanda gündəlik neft hasilatının həcmi 10 min barel artırılaraq 800 min barelə çatdırılıb.

Xatırladaq ki, 10 dekabr 2016-cı ildə Vyanada (Avstriya) imzalanmış sazişə görə Azərbaycan gündəlik hasilatı 35 min barel azaltmaq barədə öhdəlik götürmüşdü.

Ötən il dekabrın 7-də OPEC+ formatında keçirilən nazirlərin V müşavirəsində gündəlik neft hasilatının həcminin 2018-ci ilin oktyabr ayına nisbətən 1,2 milyon barel azaldılması barədə razılıq əldə edilib. Bu il iyulun 1-dən bu razılığın müddəti gələn ilin I rübünün sonuna qədər uzadılıb.

Twitter Facebook Myspace Stumbleupon Technorati blogger google
25 dəfə oxundu
 



XƏBƏR LENTİ
Loading...