Şağan-1 sakinləri Prezidentdən kömək istəyir FOTOLAR

Şağan-1 sakinləri Prezidentdən kömək istəyir

Xəzər rayon, Şağan 1 Təzə Sahə Massivinin sakinləri ölkə Prezidenti İlham Əliyevdən kömək istəyir. Bizimxeber.az-a danışan massiv sakinləri yolların keçilməz olduğunu, zibil qutularının olmaması və bu əraziyə heç bir rəsmi qurumun nəzarət etmədiyini bildiriblər.

Sakinlər deyir ki, uzun illərdir bu küçələr bərbad vəziyyətdədir və aidiyyatı qurumlara edilən müraciətlər heç bir nəticə vermir: “Artıq vəziyyət dözülməz həddə çatıb. Uşaqlar məktəbə, bağçaya gedə bilmirlər. Rayon icra başçısı, Bələdiyyə sədri və kənd icra nümayəndəliyi ümumiyyətlə, bu ərazini görməzdən gəlir. Sözümü deməyə adam tapa bilmirik”.

Massiv sakinləri onu da bildirib ki, küçəni dəfələrlə öz vəsaitləri hesabına düzəlməyə cəhd ediblər: “Hər il qonşular pul yığıb küçəni qismən düzəldirik. Amma yağışlar yağan kimi küçə bərbad hala düşür.”

Ən acınacaqlı hal budur ki, hansı quruma müraciət edilsə cavabları olduqca aqressiv olur. Xəzər rayon icra başçısının Ərazi İdarəetmə və yerli özünüidarəetmə orqanları ilə iş şöbəsinin müdiri Əfsər Mirzəliyevin cavabı bilirsiz nədir? – “Məktub yazın cavab verək”. Bu şöbə müdirinin danışıq tonundan aydın bəlli olur ki, ərazinin bu vəziyyətdə olması onları qətiyyən narahat etmir. Bu kimi məmurlar sadəcə özlərini və ciblərini fikirləşirlər. Belə vəzifə sahibləri üçün “düzələcək” deyib insanları yola salmaq adi hala çevirilib.

Massiv sakinləri problemin aradan qaldırılması üçün Prezident İlham Əliyevdən kömək istəyir. Yaxın günlərdə Xəzər rayon, Şağan 1 Təzə Sahə Massivinin sakinləri adından ölkə Prezidenti İlham Əliyevə müraciət ünvanlanacaq…

Şağan-1 sakinləri Prezidentdən kömək istəyir
Şağan-1 sakinləri Prezidentdən kömək istəyir
Şağan-1 sakinləri Prezidentdən kömək istəyir

Twitter Facebook Myspace Stumbleupon Technorati blogger google
116 dəfə oxundu
 



XƏBƏR LENTİ
Loading...