Sevinc Fətəliyevanın dairəsində 4 məntəqə ləğv edildi
“Gundeminfo” xəbər verir ki, məsələ barədə MSK üzvü İlham Məmmədov məlumat verib.
Həmin dairədən qeydə alınmış namizəd Rəfullayeva Samirə seçki dairəsi üzrə nəticələrin ləğv edilməsini istəyib. Namizəd bir sıra məntəqələrdə qanun pozuntularının və bununla bağlı videosübutların olduğunu qeyd edib. Araşdırma zamanı məlum olub ki, 12,14,16,18 saylı seçki məntəqələrində seçki nəticələri etibarsız hesab olunmalıdır.
MSK qərara alıb ki, sözügedən məntəqələr üzrə səsvermənin nəticələri etibarsız hesab edilsin.
Qeyd edək ki, həmin dairənin lider namizədi Sevinc Fətəliyevadır.
