İcra başçısı indi də təzə vəzifə eşqinə düşüb
Bu barədə məlumat redaksiyamiza etibarlı mənbələrdən daxil olub.
Mənbə DİA.AZ-a açıqlamasında iddia edir ki, məhz Fazil müəllimin sayəsində bu adam “manıslıqla” vidalaşıb əvvəlcə Sumqayıt, sonra da Bakı şəhər Vergilər Departamentinin rəisi vəzifəsinə gətirldi.O vaxta qədər isə Alimpaşa Məmmədov Salyan rayonunda həbs təhlükəsi yaşayan sıravi maliyyəçidən çox, musiqiçi kimi tanınırdı. İnsafən, malik olduğu gözəl səsilə həmyerlilərinin könlünü bir müddət riqqətə gətirməyi bacaran Alimpaşa müəllim piis qazanmırdı.
Mənbə bildirir: "Lakn sonradan necə oldusa, oxumağın daşını birdəfəlik ataraq vəzifədə bala-bala, pillə-pillə artaraq Şəmkirdə, bu dəfə icra başçısı qiyafəsində üzə çıxdı. Tezliklə Fazil Məmmədov vəzifədən uzaqlaşdırıldıqdan sonra onun barəsində yeni hədyanlar ifa etməyə başladı ki, bunun da özəl səbəbləri az deyil. Hər halda,sabiq vergilər nazirindən məsafə saxlamaqla özünü “yuxarılara” bir alayı imicdə təqdim etməyi basçı üçün düşərli oldu.
Hazırda Almpaşa Məmmədov Şəmkirdə icra başçısı kimi fəaliyyətini davam etdirir.Bunun davamlı olacağına isə təminat azdır. Odur ki, Alimpaşa Məmmədov özünə yeni himayəçi axtarışına çıxaraq “lüks” mahnılar ifa etməyə vaxt da tapa bilir.Nə vaxta kimi?"
Dia.az-a danışan mənbə iddia edir ki, Alimpaşa Məmmədov özünü yaxınlarının yanında yeniləşən komandanın nümayəndəsi kimi də təqdim edir: "Yaxınlarına deyir ki, artıq hər şeyi həll edib. Ona yenidən vəzifə veriləcək... Nəyi həll edib? Bilmirik. Amma görünəni odur ki, başçı təzə vəzifəyə hazırlaşır..."
İddia olunanlarla bağlı qarşı tərəfi də dinləməyə hazırıq...
