`Oyunlar zolağı`nda ilk qəza - FOTO
Bu gün Bakıda ağır yol qəzası baş verib.
AzVision.az xəbər verir ki,hadisə paytaxtın Atatürk prospektində qeydə alınıb. Qəzaya səbəb isə avtomobillərin Avropa Oyunları ilə bağlı ayrılan zolağa girməsi olub. Nəticədə biri digərinin yoluna çıxan avtomobillər toqquşaraq aşıblar. Qeyd edək ki, bu gündən etibarən Bakı şəhərində I Avropa Oyunlarının keçirilməsi ilə əlaqədər nəqliyyatı rahat, maneəsiz və təhlükəsizlik təşkili üçün hazırlanmış xüsusi hərəkət zolaqları qüvvəyə minib. Zolağa girən sürücülərin 4 bal və 40 manat məbləğində cərimə olunması nəzərdə tutulub.
