Hərbçi yoldaşını öldürən erməni əsgər tutuldu
Ermənistanda əsgər yoldaşı Vaaqn Virabyanı qətlə yetirməkdə şübhəli bilinən şəxs saxlanılıb. AzVision.az xəbər verir ki, bu barədə “news.am” saytına İstintaq komitəsinin mətbuat xidmətindən məlumat verilib. İlkin istintaq zamanı müəyyən edilib ki, adı açqılanmayan əsgər oktyabrın 5-də səhər saat 8-də növbədə olarkən Vaaqn Virabyana tebeliyində olan avtomatdan atəş açıb.
Üz nahiyəsindən və sinəsindən güllə yarası alan V. Virabyan hadisə yerində keçinib. Şübhəli şəxs artıq saxlanılıb. İstintaq davam etdirilir.
