Əsgərlikdən təzə gələn gənci metronun yanında bıçaqladılar

Əsgərlikdən təzə gələn gənci metronun yanında bıçaqladılar

Bakının Yasamal rayonu ərazisində bıçaqlanma hadisəsi baş verib. "Qafqazinfo" Baku.ws-ə istinadən xəbər verir ki, hadisə Nizami" metrostansiyası yaxınlığında, Salatın Əsgərova küçəsi 64 ünvanında qeydə alınıb.

Şahidlər təcili yardıma zəng vuranda əraziyə həkimlər cəlb olunub. Lakin həkimlər gələnə qədər gənc oğlan dünyasını dəyişib.

Hadisə şahidləri bildirirlər ki, öldürülən gənc yenicə əsgərlikdən gəlibmiş.

***

Bakı şəhər prokurorluğundan “Qafqazinfo”ya verilən məlumata görə, bu gün Salatın Əsgərova 60 ünvanında sinə nahiyəsində kəsilmiş-deşilmiş xəsarətlər olan meyit tapılıb. Araşdırmalarla həmin şəxsin Bakı şəhər sakini, 1996-ci il təvəllüdlü Şəmiyev Emin Asif oğlu olduğu müəyyən edilib.

Dərhal hadisə yerinə rayon polis idarəsinin rəisi, rayon prokuroru, polis və prokurorluq əməkdşaları cəlb olunub. Hadisə yerində meyitə baxış keçirilib, istintaq-əməliyyat qrupu yaradılıb.

Nizami rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanılıb. Hadisə yerinə yaxın ərazidə yerləşən videokameralara baxış keçirilib, hadisə şahidləri istintaqa cəlb olunub.

Cinayəti törətmiş şəxsin müyyən edilərək istintaqa cəlb olunması üçün zəruri və təxirəsalınmaz əməliyyat tədbirləri davam etdirilir.

Twitter Facebook Myspace Stumbleupon Technorati blogger google
101 dəfə oxundu
 



XƏBƏR LENTİ
Loading...