Bakıda 8 nömrəli şəhər poliklinikasına vaksin olmağa gələnlər süründürülür. TİA.Az xəbər verir ki, peyvənd olmaq üçün portaldan keçən vətəndaşlar poliklinikada saatlarla gözləməli olurlar. Halbuki onlayn qeydiyyatla növbə götürülür, saatı seçilir. Amma iş bununla bitmir. Siz gərək səhər 07:00/08:00 arası saatlardan gəlib bu poliklinikanın ağzında yatasınız ki, onların xüsusi 500 nəfərlik siyahısına daxil ola biləsiniz və axşam 5-6 ya qədər gözləməlisiniz. O zaman portal nəyə lazımdır deyə şikayətçilər sual edir. Bu poliklinikada cəmi bir kabinet işlədirlər. Gələnlərə də cavab budur ki, istəyirsən yazıl, amma bir kabinet işləyir, vaxt qalar vurdurarsan.
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.
