"Mənim inkişafım regionun inkişafıdır" layihəsi işini yekunlaşdırıb
Azərbaycan Respublikası Prezidenti yanında Gənclər Fondunun VIII qrant müsabiqəsinin qalibi olmuş, fondun maliyyə dəstəyi ilə 3 gün müddətində həyata keçirilən "Mənim inkişafım regionun inkişafıdır" layihəsi artıq yekunlaşıb. Ağdam, Ağcabədi və Beyləqan rayonlarında həyata keçirilən layihənin rəhbəri Elşən Abbasov tədbirlərdə regionların 30-dan artıq fəal gənclərinin iştirak etdiyini bildirib. Layihənin əsas məqsədi gənclərin həm iqtisadi biliklərini artırmaq, sahibkarlıq, marketinq sirrlərini aşılamaq həm də, onların aktiv ictimai həyata cəlb edilmələrinə dəstək olmaqdır.
