Ronaldinyonu Bakıya "Qəbələ" gətirib
Məşhur futbolçu Ronaldinyonun Bakıya səfərinin səbəbi müəyyənləşib. Qol.az-ın məlumatına görə, braziliyalı hücumçu “Qəbələ” klubunun dəvətilə Azərbaycana gəlib.
Ronaldinyonun bu gün saat 15:30-da Bakı Olimpiya Stadionunun konfrans zalında mətbuat konfransı keçiriləcək. Onun səfərinin məqsədi haqqında suallara klub rəsmiləri münasibət bildirəcək.
Qeyri-rəsmi xəbərlərə görə, səfərdə məqsəd "Qəbələ" klubu ilə əməkdaşlıqdır. Bundan başqa, tərəflərin yeni yaradılacaq futbol akademiyası ilə bağlı da müzakirə apardığı bildirilir.
