Bakıda banka silahlı basqın edənin kimliyi bəlli oldu — TƏFƏRRÜAT
“Turanbank”ın Bakıdakı filiallarından birinə basqın edən şəxsin kimliyi məlum olub. "Ölkə.Az" xəbər verir ki, bu 1967-ci il təvəllüdlü Məmmədov Nazim Novruz oğlu basqın edib. Araşdırmalar zamanı məlum olub ki, N.Məmmədov əvvəllər bankların birində xəzinədar işləyib. Həmçinin ifadəsində ruhi-əsəb xəstəsi olduğunu deyib.
Banka baqsın edən şəxs hazırda Yasamal RPİ-nin 27-ci polis bölməsində dindirilir.
***
“Turanbank”ın Bakıdakı filiallarından birinə basqın olub.
"Ölkə.Az" Report-a istinadən xəbər verir ki, hadisə bankın Nizami küçəsi-53 ünvanında yerləşən Yasamal filialında qeydə alınıb.
Məlumata görə, əlində kəsici alət olan naməlum şəxs filialın kassasına yaxınlaşaraq kassirdən hədə-qorxu ilə pul tələb edib.
Hadisə yerinin yaxınlığında olan polis əməkdaşları həmin şəxsi yaxalayıb.
Fakt üzrə araşdırmalar davam etdirilir.
