Bayram Səfərov: "Sarkisyan sadə və kasıb erməniləri aldatmağa çalışır"
"Serj Sarkisyan AŞPA-dakı çıxışında növbəti dəfə sərsəmlədi. O, sadə və kasıb erməniləri aldatmağa çalışır".
Bunu APA-ya açıqlamasında "Azərbaycan Respublikasının Dağlıq Qarabağ Bölgəsinin Azərbaycanlı İcması" İctimai Birliyinin sədri Bayram Səfərov Ermənistan prezidentinin AŞPA-dakı çıxışına münasibət bildirərkən deyib.
O bildirib ki, Serj Sarkisyanın çıxışı vaxt qazanmağa və Ermənistan ictimaiyyətini aldatmağa xidmət edir: "Sarkisyanın çıxışına ədalətli qiymət vermək istəyirlərsə, bu gün Ermənistandakı sosial-iqtisadi gərginlik, ölkəni tərk etmə hallarını araşdırsınlar. Ancaq Azərbaycanın və prezidentin apardığı iş bütün dünyada qəbul olunur".
