"Küləklə əlaqədar təcili yardıma müraciət edən olmayıb" - Baş həkim
“Bakı və Abşeron yarımadasında dünəndən başlayaraq davam edən güclü küləyin yaratdığı fəsadlarla bağlı təcili tibbi yardıma müraciət edən olmayıb”.
Bu barədə AzVision.az-a Bakı şəhər Təcili və Təxirəsalınmaz Tibbi Yardım Stansiyasının baş həkimi Rauf Nağıyev deyib.
O bildirib ki, təcili yardıma hər zamanki kimi ümumi travmalarla müraciət daxil olub: “Küləyin fəsadları nəticəsində xəsarət alanlarla bağlı müraciət daxil olmayıb. Ümumi travmalarla yaralanan şəxslər olub, bunlar isə küləklə əlaqədar deyil”.
