ABŞ səfirliyinin mətbuat katibi Rusiyadan çıxarılır
ABŞ-ın Rusiyadakı səfirliyinin mətbuat katibi Mariya Olsonun adı Rusiyadan çıxarılacaq 60 diplomatın sırasına daxil edilib.
Trend-in məlumatına görə, artıq səfrilik M.Olsonun vəzifəsinin kim tərəfindən icra olunacağını da bildirib. Məlumata görə, keçmiş mətbuat katibini Andrea Kalan əvəz edəcək.
Qeyd edək ki, ABŞ martın 26-da ölkədən 60 rusiyalı diplomatın çıxarılması barədə bəyan etmişdi. Bundan sonra Rusiya cavab addım ataraq 60 amerikalı diplomatın ölkədən çıxarılması barədə qərar qəbul edib.
