Azərbaycanda 18 jurnalist koronavirusa yoluxub, biri ölüb
Jurnalistlər arasında COVİD-19-a yoluxma və ölüm sayı 2 dəfə artıb.
“Qafqazinfo” xəbər verir ki, bu barədə məlumatı, Jurnalistlərin Həmkarlar İttifaqının sədri Müşfiq Ələsgərli sosial mediada paylaşıb.
O bildirib ki, ötən aydan fərqli olaraq bu ay hesabatlarda artıq Azərbaycanın da adı görünür: “İlk 4 ay müddətində ölkəmizdə jurnalistlər sırasında COVİD-19-a yoluxan bircə nəfər yox idisə, bu gün durum pisləşib. İyunun sonuna olan bilgiyə görə, Azərbaycanda 18 nəfər jurnalist COVİD-19-a yoluxub, bir nəfər isə həyatını itirib”.
