"İcra başçısı Türk bayrağının endirilməsi ilə bağlı heç bir göstəriş verməyib"
"16 sentyabr 2020-ci il tarixdə sosial şəbəkələrdə “Tərtər camaatı küçələrə axışdı” başlığı altında verilən çəkilişlə bağlı bildiririk ki, həmin ərazi Tərtər rayonunun deyil. Ağdam rayonunun məcburi köçkünlərin məskunlaşdığı “Dördyol” qəsəbəsidir. Həmin əraziyə toplaşan insanlar isə Ağdam rayonunun sakinləridir"- bu barədə saytımıza İcra Hakimiyyətindən daxil olan məlumatda bildirilir.
Gundeminfo.az -a Tərtər rayon İcra Hakimiyyətindən daxil olan açıqlamada daha sonra bildirilir ki, çəkilişi aparan Tərtər rayonun Səhlabad kənd sakini özünü blogger adlandıran Ziya Mahmudov olduğu üçün əraziyə toplaşanlar Tərtər rayonunun sakinləri kimi təqdim olunur.
Tərtər rayon icra hakimiyyəti tərəfindən Türk bayrağının endirilməsi ilə bağlı heç bir göstəriş verilməmişdir.
