Sinif otaqlarında partalar arası məsafə tələbi ləğv edilir

Sinif otaqlarında partalar arası məsafə tələbi ləğv edilir
Təhsil Nazirliyi sinif otaqlarında partalar və yataqxanalarda çarpayılar arasında məsafənin necə olacağı ilə bağlı məsələyə aydınlıq gətirib.

Təhsil Nazirliyindən APA-nın sorğusuna cavab olaraq bildirilib ki, sinif otaqlarında partalar və yataqxanadakı çarpayılar arasında məsafə pandemiyadan əvvəlki, yəni müvafiq Qərar qüvvəyə minənə qədər hansı vəziyyətdə idisə, o cür olmalıdır. Başqa sözlə, sinif otaqlarında partalar və yataqxanalarda çarpayılar arasında məsafə tələbi ləğv olunur.

Qeyd edək ki, Nazirlər Kabinetinin 21 sentyabr 2021-ci il tarixli qərarı ilə “Xüsusi karantin rejimi dövründə Azərbaycan Respublikasında fəaliyyət göstərən təhsil müəssisələrində tədris və təlim-tərbiyə prosesinin təşkilinin müvəqqəti Qaydaları”nda etdiyi dəyişikliyə əsasən, tədris (sinif) otağına və müəllim otağına dair tələblərlə bağlı partaların (masaların) bir-birindən 1,5 m aralıda düzülməsi tələbi və yataqxanalarda çarpayılar ən azı 1,5 metr məsafə tələbi ləğv edilib.

Twitter Facebook Myspace Stumbleupon Technorati blogger google
418 dəfə oxundu
 



XƏBƏR LENTİ
Loading...