Jurnalistin ölümündə şübhəli bilinən ərəb konsul işdən qovuldu
Ərəb mətbuatı Səudiyyə Ərəbistanının İstanbuldakı baş konsulu Muhammed Uteybinin itkin jurnalist Camal Qaşıqçı ilə bağlı vəzifəsindən azad olunduğunu yazıb.
Modern.az saytı xəbər verir ki, bu barədə "Reuters” agentliyi məlumat yayıb.
Xəbərdə bildirlir ki, Muhammed Uteybi artıq istintaqa cəlb edilib.
Qeyd edək ki, ərəb əsilli jurnalist Camal Kaşıkçı oktyabrın 2-də Səudiyyə Ərəbistanının İstanbuldakı konsulluğuna girdikdən sonra yoxa çıxıb.
O, səfirliyə sənəd almaq üçün gedibmiş. Nişanlısı isə onu bayırda gözləyirmiş.
Türkiyə hakimiyyəti hesab edir ki, jurnalisti konsulluğun binasında öldürüblər.
Səudiyyə Ərəbistanı isə ittihamı rədd edir.
Camal Kaşıkçı Səudiyyə Ərəbistanının Yəmən siyasətini və fərqli düşünənləri boğmasını tənqid edən yazıları ilə tanınırdı. O, ABŞ-ın "Vaşinqton Post” qəzeti ilə əməkdaşlıq edirdi.
ABŞ prezidenti Donald Trump isə deyib ki, əgər jurnalistin yoxa çıxmasında Səudiyyənin əli olduğu təsdiqlənərsə, o, Səudiyyə Ərəbistanını cəzalandıracaq.
