Netanyahu: Bu əraziləri İsrailə birləşdirəcəyəm
9 apreldə keçiriləcək seçkilərdə qalib gəlsəm, Qərbi Şəriyədə olan qeyri-qanuni yəhudi yaşayış məntəqlərini İsrailə birləşdirəcəyəm.
Axar.az xəbər verir ki, bu sözləri İsrailin "Kanal 12" televiziyasına açıqlamasında Baş nazir Benyamin Netanyahu deyib.
“Müstəqil Fələstin dövləti İsrailin varlığı üçün təhlükəlidir. Qüdsü bölməyəcəyəm, yəhudi yaşayış məntəqələrini də boşaltmayacağam", - o bildirib.
Qeyd edək ki, 1967-ci ildə İsrail tərəfindən işğal edilən Qərbi Şəriyədə təxminən 250-yə yaxın yəhudi yaşayış məskəni və 400 mindən çox yəhudi var. Beynəlxalq qanunlara görə, işğal olunmuş bu ərazilərdə olan bütün yəhudi yaşayış məntəqələri qeyri-qanunidir.
