Səfir Qarabağ münaqişəsi barədə: Hər şey Rusiyadan asılı deyil
Rusiya Dağlıq Qarabağda eskalasiyanın əleyhinədir. Nizamlanma ilə bağlı son sözü münaqişə tərəfləri deməlidir.
Bunu iyunun 11-də mətbuat konfransında Rusiyanın Ermənistandakı səfiri Sergey Kopırkin deyib.
“Biz davamlı danışıqlar prosesinin təşkili üçün eskalasiyanın olmamasının tərəfdarıyıq”, - diplomat qeyd edib.
O bildirib ki, yekun qərarı münaqişə tərəfləri qəbul etməlidir.
“Rusiyanın roluna balanslaşdırılmış şəkildə yanaşmaq lazımdır. Bizim vəzifəmiz həm ATƏT-in Minsk qrupunun həmsədri, həm də strateji müttəfiq kimi, malik olduğumuz mexanizm üzrə kömək etməkdir. Hər şeyin Rusiyadan asılı olduğunu demək düzgün deyil”.
