Rusiya SOROS fondu ilə rəsmən qadağalar dilində danışmağa başladı
ABŞ-ın Corc Soros Fondu, Demokratiyanı milli dəstək Fondu, Mak-Artur Fondu, Milli Demokratiya İnstitutu (NDİ) və başqa beynəlxalq qeyri-hökumət təşkilatları Rusiyada arzuolunmaz qurumlar siyahısına daxil edilib.
"Report"un məluamtına görə, bu barədə "İnterfax" xəbər yayıb.
Bu gün Rusiya Ədliyyə Nazirliyi saytında arzuolunmaz xarici və beynəlxalq QHT-lərin qeydiyyatına dair məlumat dərc olunub. Xəbərə görə, onların ölkə ərazisində fəaliyyəti qadağan edilib.
Nazirliyin rəsmiləri məsələni şərh etməkdən boyun qaçırıblar və bildiriblər ki, həmin QHT-lərin fəaliyyətinin arzuolunmazlıqları barədə məsələni Rusiyanın Baş Prokurorluğu Xarici İşlər Nazirliyi ilə əlaqələndirir və bu barədə qərarı həmin qurumun müavinlər qəbul edir.
Məlumata əsasən, arzuedilməz QHT haqda qanun bu il mayın ortalarında qəbul olunub. Həmin qanuna görə Rusiyanın dövlət quruluşu, müdafiə qabiliyyəti və ya dövlət təhlükəsizliyini təhdid edən QHT-lər arzuolunmaz qurumlar elan olunurlar.
