"Prezident FHN-də baş verən biabırçılığa reaksiya verəcək"

  "Prezident FHN-də baş verən biabırçılığa reaksiya verəcək"
“Dövlət başçısı Fövqəladə Hallar Nazirliyində baş verən hadisələrə reaksiya verəcək. Cənab İlham Əliyev belə məsələlərə çox diqqətlidir”.
Yeniavaz.com xəbər verir ki, bu sözləri Bakupost.az-a açıqlamasında millət vəkili Vahid Əhmədov deyib.
Millət vəkili nazirliyin bir neçə vəzifəli şəxsinin intim xarakterli görüntülərinin yayılmasından təəssüfləndiyini bildirib:
“Dövlət qurumlarında belə hadisələr olmamaldır. Xoşagələn hal deyil. Dövlət qurumlarında işləyənlər yalnız qayda-qanuna uyğun öz işlərilə məşğul olmalıdır”.
Vahid Əhmədov baş verənlərin Kamaləddin Heydərova qarşı təxribat olduğunu düşünmür:
“Hadisədən Kəmaləddin Heydərovun heç xəbəri olmaya bilərdi. Çünki hər otaq izlənilmir. Bu məsələni dövlət qurumuna qarşı təxribat kimi dəyərləndirmirəm. Əgər naziri çıxarmaq lazım olsaydı, cənab Prezident fərmanın verib çıxaracaqdı. İlham Əliyev kifayət qədər cəsarətli dövlət başçısıdır. Lazım olanda kimliyindən asılı olmayaraq, nöqasını olan naziri, komitə sədrini istənilən vaxt vəzifədən azad edir. Bu hadisə vəzifə səlahiyyətlərini düzgün icra etməməklə əlaqədardır. Dövlət mülkündən şəxsi məqsədlər üçün istifadə olunub ki, bu da qəbuledilməzdir. Baş Prokurorluq məslə ilə bağlı araşdırma aparır. Yəqin ki, onlar öz rəyini ictimaiyyətə bildirəcəklər”.

Twitter Facebook Myspace Stumbleupon Technorati blogger google
170 dəfə oxundu
 



XƏBƏR LENTİ
Loading...