"Elə bildim dərman almağa pulu çatmır, nə bilim ev problemi var" - Xatirə

"Elə bildim dərman almağa pulu çatmır, nə bilim ev problemi var" -

Müğənni Xatirə İslamın sosial şəbəkədə xərçəngdən əziyyət çəkən əməkdar artist Tünzalə Əliyeva ilə bağlı yazdığı şərh müzakirələrə səbəb olub

Axşam.az-ın məlumatına görə, bir izləyicisi sənətçini aktrisaya maddi kömək etdiyi üçün qınayıb və bunları yazıb:

"Sizin səsinizə sözüm yoxdur, hər zaman var olun. Amma son zamanlar Tünzaləyə görə sizə qiymət verən böyük tamaşaçı kütləsini itirdiniz. Bundan sonra sizi dəyərli bildiyim müğənnilərin siyahısından silirəm".

Onun bu sözlərini Xatirə cavabsız qoymayıb. Müğənni Tünzalənin pulu ipoteka krediti üçün yığmasından xəbərsiz olduğunu etiraf edib:

"Niyə sildiniz məni? Pulu yığıb, cibimə qoydum? Yoxsa özümə paltar aldım? Mən elə bildim dərman almağa, müalicə olub sağalmağa imkanı çatmır və bunu etdik. Mən hardan bilim ki, onun ev problemi var? Məni belə şeylərə qarışdırmayın".

Xatirə daha sonra paylaşımına yazılan şərhləri bağlayıb və bu sözləri silib.

Qeyd edək ki, T.Əliyeva üçün Xatirə müğənnilərdən pul yığıb "Bizimləsən" verilişində aktrisaya təqdim edib. "Toppuş bacı" ləqəbli aktrisa evinin kirayə pulunu ödəyə bilmədiyi üçün aparıcı Zaur Baxşəliyevin verilişinə gəlib və kömək istəyib.

Twitter Facebook Myspace Stumbleupon Technorati blogger google
79 dəfə oxundu
 



XƏBƏR LENTİ
Loading...