Ukraynanın əks-hücum əməliyyatı necə gedir?
Yeniavaz.com xəbər verir ki, bu barədə ABŞ mərkəzli Müharibə Araşdırmaları İnstitutunun (ISW) hesabatında deyilib.
“Ukraynanın hazırkı əks-hücum əməliyyatı Xarkov vilayətinin böyük hissəsinin azad edilməsindən daha az dramatik və sürətlidir, lakin Rusiyanın uğursuz qış-yaz hücumundan daha uğurludur. Ümumiyyətlə, sürəti və ilkin irəliləyişinə görə o, daha yavaş, lakin uğurlu Xerson əks-hücumuna çox bənzəyir”, - analitiklər qeyd ediblər.
Qeyd edək ki, Ukrayna Prezidenti Volodimir Zelenski iyunun 10-da Müdafiə Qüvvələrinin əks hücuma keçdiyini təsdiqləyib. Artıq bir sıra yaşayış məntəqələri azad edilib. İyulun 5-də səhər saatlarında Ukrayna Silahlı Qüvvələrinin Baş Qərargahı Melitopol və Berdyansk istiqamətlərində, Baxmutun cənub və şimalında irəlilədiklərini paylaşıb.
