Pənah Hüseyn: ”Sənədlərimizi təqdim etdik, lakin...”
Azərbaycan Xalq Partiyası yeni qanunun tələblərinə dair reystr siyahısını Ədliyyə Nazirliyinə təqdim edib.
Bu barədə Qaynarinfo-ya partiyanın sədri Pənah Hüseyin məlumat verib. O bildirib ki, nazirliyə təqdim olunan siyahıda 5854 üzv var:
"Lakin hələ bizə rəsmi cavab verilməyib. Gözləyirik, qarşıda bir ay vaxt var, görək nə cavab veriləcək”.
Milli Dirçəliş Hərəkatı Partiyası sədri Fərəc Quliyev də Qaynarinfo-ya açıqlamasında bildirib ki, partiya qeydiyyatla bağlı sənədlərini Ədliyyə Nazirliyinə təqdim edib:
"Yeni qanunun tələblərinə əsasən sənədləri nazirliyə təqdim etdik. Siyahında 10 mindən yuxarı üzvün imzası var”.
