Salyanda bazarda yerpulu ləğv edildi - VİDEO
Salyan bazarlarında yer pulu ləğv olunub.
Salyan Rayon İcra Hakimiyyətindən “Qafqazinfo”ya verilən məlumata görə, son günlər ölkədəki məlum iqtisadi böhranla əlaqədar rayonda bəzi lazımi tədbirlər görülüb. Süni qiymət artımının qarşısının alınması məqsədilə rayonda işçi qrupları yaradılıb. İşçi qrupları tərəfindən mağazalara, ticarət mərkəzlərinə, çörək zavodlarına nəzarət olunur, monitorinqlər aparılır. Orta və kiçik sahibkarlığa dəstək məqsədilə lazımi tədbirlər görülür. Rayonun mərkəzi bazarında ticarətlə məşğul olanlara dəstək üçün onlar 3 ay müddətinə rüsumdan azad olunublar.
